Deputeti i Alternativës, Ilir Deda, ka reaguar pas deklaratave të Presidentit Thaçi se nisma e deputetëve për ta zhbërë Gjykatën Speciale është ligjore dhe kushtetuese, shkruan arbresh.info.

Ai përmes një statusi në profilin e tij në facebook, ka shkruar se se një veprim i tillë është vepër penale jo vetëm nga deputetët dhe qeveria por edhe nga vet kryetari i vendit.

“Ndërhyrja në sistem të drejtësisë është në kundërshtim me Kushtetutën dhe me ligjet e shtetit tonë. Është vepër penale – edhe për deputetët, Qeverinë dhe vet Kryetarin. Ndërsa, prishja me shtetet e pakta mike është në kundërshtim direkt me interesin tonë kombëtar”, ka shkruar Deda.

Ky është shkrimi i tij i plotë në facebook:

“Manipulimi politik i popullit është bërë specialitet i Kryetarit të Kosovës. Veprimet politike që rezultojnë me suspendimin e shtetësisë së Kosovës nuk janë as kushtetuese as ligjore. Ndërhyrja në sistem të drejtësisë është në kundërshtim me Kushtetutën dhe me ligjet e shtetit tonë. Është vepër penale – edhe për deputetët, Qeverinë dhe vet Kryetarin. Ndërsa, prishja me shtetet e pakta mike është në kundërshtim direkt me interesin tonë kombëtar”, ka shkruar Deda në facebook.